Amazon-un qurucusu Jeff Bezos verdiyi müsahibədə ölməzdən əvvəl sərvətinin böyük hissəsini xeyriyyə təşkilatlarına bağışlayacağını açıqlayıb. Bezos, edəcəyi yardımın böyük hissəsinin iqlim dəyişikliyi və dünya sülhü ilə bağlı olacağını bildirir.

Bu açıqlamadan əvvəl Bezos müğənni və xeyriyyəçi Dolli Partona 100 milyon dollar bağışlayacağını açıqlamışdı. Menecer on il ərzində insanların yaratdığı iqlim dəyişikliyinə siyasi və texnoloji həllər gətirmək məqsədi daşıyan Bezos Earth fonduna 10 milyard dollar ayırmışdı. Bezosun keçmiş həyat yoldaşı MacKenzie Scott son bir neçə ayda təşkilatlara təxminən 4 milyard dollar ianə edib.

Microsoft-un həmtəsisçisi Bill Gates də ötən illərdə eyni şəkildə böyük bir ianə hərəkatı başlatmağı hədəfləyib. Uzun müddətdir ki, dünyanın ən varlı adamı olan Bill Gates, "Bill və Melinda Qeyts" fondu vasitəsilə xeyriyyə təşkilatlarına və elmi araşdırmalara ianə verməkdə davam edir.  Bill Gates həmçinin milyarderlərə pullarının ən azı yarısını bağışlamaq üçün The Giving Pledge-i təsis edib.

Digər böyük iş adamları kimi Bezos da var-dövləti ilə tənqidlərin mərkəzindədir. Amazon ətraf mühitə dəyən ziyana görə dəfələrlə müxtəlif ittihamlarla üzləşsə də, şirkət 2021-ci ildə emissiyalarının artdığını görüb. Digər tərəfdən, çətin iş şəraiti Amazonun qarşılaşdığı başqa bir problemdir.