Bildirilir ki, “Apple” iPhone sıralaması üçün yeni rəng buraxmaq istəyir. Göründüyü kimi, seçilmiş rəng sarı ola bilər. Sarı rəngli iPhone 14 və iPhone 14 Plus Apple-ın yeni yaz modelləri olacaq. Çinin sosial media platforması Weibo-da ortaya çıxan bu sızma, şirkətin fərqli rəng seçimlərini sınamaq istədiyini ortaya qoydu.

Keçən il Apple iPhone 12 və 13 seriyaları üçün yaz rəngi olaraq Alp Yaşılını seçdi və bu rəngi martın 8-də təqdim etmişdi. Ancaq ondan sonra aprelin 20-də bənövşəyi rəngli modellər təqdim edilmişdi. Yeni iPhone ailəsi üçün sarı rəngin daha əvvəl, məsələn, gələn həftə görünməsi mümkündür.

iPhone 14 və 14 Plus üçün sarı modelə üstünlük veriləcəyi düşünülsə də, Apple-ın fərqli rəng seçimlərini sınaqdan keçirdiyini bilirik. Bu yaxınlarda ortaya çıxan məlumata görə, xüsusi rəngli iPhone 15 Pro üçün işlərə başlanılıb. Bunun hansı rəng olacağı bəlli olmasa da, Apple-ın iPhone modelləri üçün xüsusi rənglər buraxmaq istədiyi aydındır.

Xatırladaq ki, hələlik heç bir məlumat Apple tərəfindən təsdiqlənməyib və heç bir fotoşəkil ortaya çıxmayıb. Bununla belə, sarı iPhone modelinin tezliklə açıqlanacağı ehtimalını da nəzərdən qaçırmamalıyıq.