Elon Musk uzun müddətdir ki, insan beynini kompüter mühitinə bağlamaq üçün heyvanlar üzərində təcrübələr aparır. İş adamı bu sınaqlarda uğurlu nəticələr göstərib. Bunun nəticəsində Neuralink ötən ilin sonunda insanların beyninə çip də yerləşdirəcəyini açıqlayıb.

Lakin FDA Elon Muskın insan beynində çip yaratmasına icazə verməyib. Bunun ən böyük səbəbi beyinə bağlanan implant kabellərinin son dərəcə incə olmasıdır. FDA bu tellərin beyindən çıxarıldıqda qırılacağını düşünür.

Keçmiş Neuralink işçisi mövzu ilə bağlı Returers-ə verdiyi müsahibədə belə deyib:

"Təhlükəsizliklə bağlı narahatlıqlar implantın kiçik tellərinin beynin digər hissələrinə keçə bilməsi ehtimalı və cihazın beyin toxumasına zərər vermədən çıxarılıb-çıxarılmaması və necə çıxarıla biləcəyi ilə bağlıdır".

Digər tərəfdən, xatırladaq ki, Elon Musk keçən ilin noyabrında altı ay ərzində FDA təsdiqini alacağını açıqlamışdı. Hadisələr Elon Muskın bəyanatına uyğun inkişaf edərsə, Neuralink-in ilk beyin çipləri 2030-cu ildə bazara çıxacaq.

Bundan əlavə, Elon Musk bir müddət əvvəl mövzu ilə bağlı verdiyi açıqlamada uşaqlarının insult keçirməsi kimi hallarda beyin implantları taxacağını bildirmişdi. Amma bu araşdırmanın ən böyük məqsədlərindən biri insan beyninə implant yerləşdirilmiş robotdan istifadə etməkdir.