Ümumdünya Səhiyyə Təşkilatının (ÜST) məlumatına görə, yıxılmalar qəsdən xəsarət nəticəsində ölüm hallarının ikinci səbəbidir. Bu göstərici xüsusilə yaşlı xəstələrdə yüksəkdir. Buna görə də alimlər yıxılmaq üzrə olan insanları tuta bilən robot hazırlayıblar.

Sinqapur “Nanyang” Texnoloji Universiteti və “Tan Tock Seng” Xəstəxanasının tədqiqatçıları yıxılmanın qarşısını alan və yaşlılar üçün fizioterapiyada kömək edən geyilə bilən köməkçi robot hazırlayıblar.

Mobil Robotik Stabillik Köməkçisi (MRBA) tarazlığın itirilməsini dərhal aşkar edən və ombasına taxılan təhlükəsizlik kəməri ilə istifadəçini tutan sensorlara malikdir.

Araşdırma qrupundan olan Wei Tech Ang, 85 yaşlı anasının tez-tez yıxıldığını və robot ideyasının ona 10 il əvvəl ilk yıxıldıqdan sonra gəldiyini söyləyib.

Köməkçi robot insult, travmatik beyin zədəsi və onurğa beyni zədəsi olan xəstələr də daxil olmaqla 29 iştirakçı üzərində sınaqdan keçirilib.

Robotun iki versiyası nəzərdən keçirilir. Xəstəxana versiyasında yüksək səviyyəli sensorlar və kameralarla təchiz edilmiş robotun 20.000 dollar dəyərində olacağı gözlənilir. Daha aşağı keyfiyyətli, daha az sensor və kameradan istifadə edən ev versiyası 3000-4000 dollar üçün nəzərdə tutulub.