Dekabrın 16-da yayımlanan “Avatar: Suyun Yolu” böyük ekranda böyük rəğbət qazanıb. ABŞ-da Milad bayramının davam etməsinə baxmayaraq, izləmə rekordu qıran filmin qlobal gəliri 1 milyard dollara yaxınlaşıb.

“Avatar: Suyun Yolu” filmi ilk 10 günlük tamaşası üçün ABŞ-da 250 milyon dollar, qlobal miqyasda isə 850 milyon dollar gəlir əldə edib. Bazar ertəsi, dekabrın 26-da dünya üzrə bilet satışının 900 milyon dolları keçəcəyi gözlənilir.

Avatar: Suyun Yolu Milad bayramı mövsümündə kassada nəzərəçarpacaq uğur qazansa da, ümumi gəlir əvvəlki illərlə müqayisədə aşağı səviyyədə qalıb. Milad günü üçün ümumi gəlir təxminən 44 milyon dollar təşkil edib ki, bu da son 20 ilin ən aşağı göstəricisidir.

Milad dövrünə təsadüf edən digər filmlər isə yaxşı nəticə verməyib. Çəkməli pişik: Son Arzu və Black Pantera: Wakanda Forever kimi filmlər gözləntiləri yerinə yetirmədi. Hətta Margot Robbie, Brad Pitt, Tobey McGuire kimi ulduzlarla dolu olan Babylon da tamaşaçı tapmaqda çətinlik çəkdi.

Yeni filmdə Nə'vi xalqını meşənin dərinliklərində deyil, dəniz sahilində görürük. İlk filmdə Na'vilərdən biri olduğunu sübut edən baş qəhrəmanımız bu dəfə uşaqları ilə birlikdə görünür. Bir çox sualtı çəkilişləri ehtiva edən Avatar: Suyun Yolu yenə vizual ziyafət təqdim edir.