Məşhur sosial media platforması Instagram istifadəçi sayı artmaqda davam edir. Bu artım təhlükəsizlik problemlərini də gətirir. Instagram-ın sahibi Meta video ilə yaş yoxlama funksiyasını işə saldığını açıqlayıb.
Instagram istifadəçilərin təhlükəsizliyini artırmaq üçün yeni addımlar atmağa davam edir. Platformada əvvəllər ID-ləri yükləmək imkanı var idi. Bu funksiya kifayət etmədikdən sonra şirkət istifadəçilərin yaşını yoxlamaq üçün iki üsul təyin edib. Bu üsullardan birincisi video çəkmək, ikincisi isə hesab sahibinə zəmanət verməkdir.

“Instagram” Avropa İttifaqı və Böyük Britaniyada istifadəçilərin video çəkərək yaşlarını yoxlaya biləcəyi funksiyanı işə salıb. Başqa sözlə, bu ölkədəki istifadəçilər öz şəxsiyyət vəsiqələrini yükləməklə yanaşı, video yükləməklə də yaşlarını təsdiq edə biləcəklər.

Doğrulama üçün istifadəçilər tərəfindən çəkilmiş videolar Yoti rəqəmsal şəxsiyyət təşəbbüsü tərəfindən təhlil ediləcək və təxmini yaş təklif ediləcək. Şirkət videonun təhlilindən sonra həm Yoti sistemlərindən, həm də Instagram-dan silinəcəyini bildirib.

Video çəkilişlə yaş yoxlama xüsusiyyətinin ölkəmizə nə vaxt gələcəyi hələlik məlum deyil. Yeni seçimlə şirkət istifadəçilərin onlara uyğun məzmunu görməsini hədəfləyir.

Instagram-ın siyasət direktoru Tara Hopkins bildirib ki, "Biz hər kəsin İnstagramı yaşa uyğun şəkildə yaşamasını istəyirik, bu o deməkdir ki, onların neçə yaşında olduğunu bilməliyik və bu, bizim sənayemizdə olanlar üçün problemdir".

Instagram istifadəçilərin yaşını proqnozlaşdırmaq üçün tətbiqdaxili süni intellektdən istifadə edir. Lakin məlumatlara görə, nəticələr o qədər də uğurlu deyil. Qeyd edək ki, platformada 13 yaş məhdudiyyəti var.