Texnologiya nəhəngi Google 2023-cü ilin əvvəlindən tədricən Windows 7 və Windows 8.1-dən çıxacağını açıqlayıb. Microsoft-un taleyinə tərk etdiyi bu iki əməliyyat sistemi gələn ildən Google Chrome yeniləmələrini almayacaq.

Windows 7 və 8.1-də Chrome-un köhnə versiyalarından istifadə etməyə davam edə bilərsiniz, lakin yeni funksiyalar və təhlükəsizlik yeniləmələrini quraşdırmaq mümkün olmayacaq. Fevralın 7-də təqdim edilməsi gözlənilən Chrome 110 ilə hər iki əməliyyat sistemi üçün dəstək dayandırılacaq. 

Google-un Chrome elan səhifəsində yalnız Windows 10 və ya Windows 11-in yeniləmələri almağa davam edəcəyi bildirilib. Bu o deməkdir ki, ən son xüsusiyyətlər və təhlükəsizlik yamaları yalnız iki əməliyyat sisteminə veriləcək. Google Chrome dəstəyi yanvarın 10-da başa çatacaq. Qeyd edək ki, bu qərar Microsoftun Windows 7 və Windows 8.1 üçün genişləndirilmiş dəstəyi dayandırması ilə üst-üstə düşür. Google müasir istifadəçiləri hədəfləsə də, milyonlarla insanı geridə qoyacaq. Kompüterləri Windows 10 və ya Windows 11-i dəstəkləməyən, yəni hələ də Windows 7 və ya 8.1-dən istifadə edən insanlar Chrome alternativ brauzerlərinə keçə bilərlər.