BETA Technologies şirkətinin elektriklə şaquli qalxan və enən (eVTOL) uçan taksisi Nyu Yorkda ilk sınaq uçuşunu həyata keçirib. Şirkət Blade Air Mobility sərnişin rezervasiyalarını tənzimləyərək 2026-cı ilə qədər uçan taksisini kommersiya istifadəsinə verməyi hədəfləyir.

Blade Air Mobility hazırda tıxacdan qaçaraq vaxta qənaət etmək istəyən zəngin müştərilər üçün qısa məsafəli helikopter səfərləri təşkil edir. Şirkət üç il ərzində Nyu-Yorkda BETA-nın eVTOL alətindən istifadə etməyə başlamağı planlaşdırır.

BETA Technologies hazırda 300-ə yaxın insanı çalışır və 2017-ci ildə qurulduğu gündən bəri 800 milyon dollardan çox vəsait toplayıb. Şirkətin ALIA-250 EVA eVTOL uçan taksi modelinin biri yük, digəri isə sərnişinlər üçün nəzərdə tutulmuş iki variantı var. Sərnişin versiyası pilot da daxil olmaqla 6 nəfər tutumuna malikdir. 4 milyon dollar dəyərində istehsal edilən təyyarənin maksimal sürətinin 274 km/saat olduğu bildirilir.

ALIA-250 EVA adlı uçan taksi təxminən 465 kilometr məsafə qət edir. Uçan nəqliyyat vasitələrinin doldurulma müddəti cəmi 50 dəqiqədir. Tam elektriklə işləyən təyyarə taksilərinin adi bir helikopterin səsinin 1/10-nu təşkil etdiyi bildirilir.

Uçan taksinin sınaqları keçən həftə Nyu-York ştatının Uayt Plains şəhərindəki Vestçester qraflığının hava limanında keçirilib. BETA artıq çoxlu tam funksional ALIA-250 EVA prototiplərinə malikdir, onların bir çoxu 320 kilometrdən çox sınaq uçuşları həyata keçirmişdir.