ABŞ-ın içki brendi “Coca-Cola” smartfon bazarına daxil olmaq üçün günləri saymaqdadır. Bununla belə, bu, smartfon istehsal etmək əvəzinə ortaqlıq kimi təqdim olunur. Son zamanlar render şəkilləri ilə ortaya çıxan smartfonla bağlı mühüm inkişaf baş verib. Məşhur içki şirkətinin əməkdaşlıq etdiyi marka bəlli olub.

Məlum olduğu kimi, bu yaxınlarda Coca-Cola imzalı smartfonun render görüntüləri sızdırılıb və onun dizaynı üzə çıxıb. Əslində, cihazın dizaynı vizual olaraq Realme 10 Pro 5G modelinə bənzədiyi üçün içki şirkətinin Çin istehsalçısı Realme ilə əməkdaşlıq etdiyi iddia edilirdi.

Qısa müddət əvvəl mövzu ilə bağlı əhəmiyyətli bir məqam orta çıxdı. Realme Hindistanın vitse-prezidenti Madhav Sheth sosial media hesabından Realme 10 Pro 5G və Coca-Cola-nın telefonun arxa panelindən əks oluna biləcəyini göstərən bir yazı paylaşdı. Bu, iki şirkətin ortaq olması ilə bağlı iddiaları dolayısı ilə təsdiqlədi.

Model Coca-Cola mövzusunu əks etdirəcək. Yəni dizaynı və sistem interfeysi ilə Coca-Cola qırmızısına işarə edəcək. Smartfonun nə vaxt təqdim ediləcəyi hələlik məlum deyil. Bununla belə, bu rübdə tərəfdaşlığın təsdiqi və təşviqi gözlənilir. Nəhayət, qeyd edək ki, o, Hindistan bazarı üçün eksklüziv olacaq.

Realme 10 Pro 6,7 düymlük FHD+ təsvir ölçülü ekranla gəlir. 120 Hz yeniləmə tezliyi təklif edən smartfonların ekranın bədənə nisbəti 93,65 faiz təşkil edir.

Realme 10 Pro Qualcomm-un Snapdragon 695 platforması ilə təchiz edilmişdir. İki 2,2 GHz Cortex-A78 və altı 1,7 GHz Cortex-A55 nüvəsinə sahib olan prosessor 6 nm arxitekturaya malikdir. İnteqrasiya edilmiş Adreno 619 qrafik bloku telefonun oyun performansına cavabdehdir.