Gələn il satışa çıxarılacaq Galaxy S23 ailəsinin texniki göstəriciləri məlumdur. Bir müddətdir sızıntıları ilə gündəmdə olan Samsung Galaxy S23 seriyasının təqdimat tarixi məlum olub.

Samsung yeni flaqman modellərini Snapdragon 8 Gen 2 prosessoru ilə təqdim edəcək. Bildirilir ki, SM8550 kodu ilə buraxılacaq prosessorda səmərəlilik artırılıb. Qualcomm-un yeni prosessor üçün TSMC ilə işləyəcəyi sızan məlumatlar arasındadır.

Snapdragon 8 Gen 2 prosessoru 1 Cortex-X3, 2 Cortex-A720, 2 Cortex-A710 və 3 Cortex-A510 nüvəsindən istifadə edəcək. Yeni model qrafik interfeysdə Adreno 740 ilə görünəcək.

SM-S916U model kodu ilə Samsung Galaxy S23 Plus Geekbench-də görünüb. Performans testi ortaya çıxan model artıq istifadəçiləri həyəcanlandırmağı bacarıb.

Galaxy S23 Plus Geekbench-in təknüvəli testində 1485, çoxnüvəli testində isə 4844 xal toplaya bilib. Qeyd edək ki, aparılan testlər yekun balları hələ müəyyən etməyib.

Sızdırılan məlumata görə, Samsung 2023-cü ilin fevral ayının ilk həftəsində Galaxy S23 seriyasını istifadəçilərə təqdim edəcək. Yeni modellərin kütləvi tədbirdə təqdim ediləcəyi təxmin edilir. Şirkətə yaxın mənbə bildirib ki, “Samsung Electronics gələn ilin fevral ayının ilk həftəsində növbəti məhsulunu tanıtmaq üçün ABŞ-ın San-Fransisko şəhərində Unpacked tədbiri keçirməyi planlaşdırır”.